Џилијан Андерсон многу добро знае како да остави силен впечаток со својот моден избор. Ѕвездата од „Сексуално образование“ се најде на црвениот тепих за наградите „Златен глобус“ во фустан во боја слонова коска без прерамки, направен само за неа од Габриела Херст. Но, она што особено привлече внимание е извезениот мотив во форма на вагина кој го покрива обемното здолниште.
Имено, за 81. годишно доделување на наградите, Андерсон реши да излезе во уникатен дизајн без прерамки со „ризични“ детали.
Зборувајќи за Deadline пред церемонијата на доделување награди, актерката ги охрабри луѓето одблизу да ја разгледаат нејзината облека. „Таа има вагини“, изјави таа. Софистицираната, елегантна структура на облеката беше комбинирана со елаборирани везени детали кои формираа минијатурни слики на женската анатомија. Но, деталите не се единствената причина поради која Андерсон го избра ова парче.
„Го носев овој фустан од толку многу причини“, рече актерката за дизајнот кој ја донесе женската анатомија до израз, додавајќи дека е многу соодветен.
Подоцна за магазинот People, откако беше прегрната од актерката и колешка Џенигер Гарнер, изјави дека фустанот има цветна инспирација, истакнувајќи дека го сака фактот што е „прекриен со божур!“
Според брендот кој стои зад овој мошне впечатлив дизајн, на секој мотив на фустанот му биле потребни 3,5 часа за рачно везење. Андерсон го дополни смелиот изглед со низа накит од Chopard, вклучувајќи ѓердан од бело злато од 18 k со 10k жолт дијамант во облик на круша и скоро 30 карати дијаманти, и обетки исто така изработени од 18k жолто злато и бело злато со четири жолти дијаманти во облик на круша. .
Нејзиниот стајлинг веднаш го привлече вниманието на нејзините обожаватели, а многумина своето воодушевување го напишаа на социјалната мрежа Икс, порано позната како Твитер.
„Џилијан Андерсон можеби рече дека „Сексуалното образование“ е готово, но не е готово“, напишал еден фан. „Вагина на фустанот на Џилијан Андерсон, „ох мајко“ не е доволно силен збор“, рече друг, укажувајќи на нивните пофалби. И една обожавателка се согласи: „Џилијан Андерсон носи фустан со извезени вагини, ох, таа навистина знае како да направи момент“.
Гламурозен додаток на изгледот на актерката несомнено беше нејзината коса. Имено, актерката оставила само неколку прамени сиви корени да излезат од круната, целосно прифаќајќи ја природноста на нејзината коса. Остатокот од нејзината руса коса беше собран назад и обликуван во мек бран.