Иако летните месеци традиционално се резервирани за носење отворени чевли, во светот на познатите трендсетерки секогаш важеле различни правила.
Предводени од Хејли Бибер и Кендал Џенер, сега редовно ги гледаме во класични мокасини дури и во денови со температури над 30 степени.
Судејќи по нивните изданија, црните мокасини најмногу се преферираат во комбинација со бели спортски чорапи, а на оваа омразена модна комбинација падна и Џиџи Хадид.
Американската ‘it’ девојка и една од најзафатените манекенки денес не сакаше да ја пропушти забавата на италијанскиот бренд Miu Miu, одржана во Малибу, на која се појави во црно-бела комбинација со мокасини во главна улога.
Спојувајќи ги со бели чорапи, таа го комплетираше стајлингот создаден со едноставен црн фустан со тенки прерамки и бела отворена чанта, која исто како и фустанот е украсена со препознатливото лого на италијанскиот бренд Miu Miu.
Покрај чантата, нејзиниот избор на модни додатоци го сочинуваа црни очила за сонце со потпис на Miu Miu, а на настанот организиран од популарниот италијански бренд, покрај 28-годишната Џиџи, присуствуваа и многу други познати дами, како на пр. актерките Хејли Стајнфелд и Луси Хејл.