Шерон Стоун, прославената актерка која годинава го прослави својот 65-ти роденден, беше ѕвезда на Меѓународниот филмски фестивал на Црвеното Море што се одржа во Саудиска Арабија.
Русокосата убавица, која и во седмата деценија мами воздишки со својата класична убавина и сензационална фигура, без сомнение беше најголемата сензација на Red Sea International Film Festival, каде не недостигаа познати имиња.
Шерон за оваа пригода избра необична креација која дефинитивно не е за сечиј вкус.
Станува збор за креација со волуменозен дизајн на впечатлива розова нијанса која ги откри нејзините раменици и деколтето, а под кои носеше црн градник со светки. Фустанот го дизајнираше Тони Вард, познат либанско-италијански моден дизајнер познат по впечатливите дизајнерски решенија, наоѓајќи инспирација во современата архитектура.
Својот незаборавен стајлинг актерката го заокружи со шик чанта со пердуви и интересни розови обетки.
Гламурозната коса исчешлана наназад и одличната шминка одлично се вклопија во оваа модна приказна за убавата актерка чии модни избори никогаш не остануваат незабележани.
Покрај Шерон, на овој настан се појавија и многу познати гости, како Џони Деп, Вил Смит, Алесандра Амбросио, Ед Вествик, Мишел Вилијамс…