Стандард
ТЕХНОЛОГИЈА

Фејсбук ја претстави апликацијата „Вјупоинтс“ која на корисниците ќе им плаќа за учество во анкети

Американската компанија Фејсбук синоќа ја претстави апликацијата „Вјупоинтс“ која на корисниците ќе им плаќа за учество во анкети, истражувања и за извршување на задачи.

Компанијата има намера да користи фидбек од корисниците за да ги подобри своите производи како Фејсбук, Инстаграм, Ватсап, Портал и Окулус.

Корисниците ќе заработуваат со добивање поени за учество во истражувањата. Неопходен број на собрани поени ќе можат да бидат разменети за пари преку платниот систем „Пејпал“.

Засега сервисот може да се користи само во САД и од лица постари од 18 години, а планирано е да биде пуштен во други земји идната година. За учество во анкетите потребно е да се има профил на Фејсбук, да се внесе име и презиме, електронска адреса, земја на живеење, пол и дата на раѓање.

Од Фејсбук укажуваат дека информациите за корисниците нема да се објавуваат, предаваат или продаваат на трети лица и компании.

Поврзани вести

Intel го враќа Pentium процесорот на пазарот од 2013 година

msp-admin

Премиерата на PS5 може да биде одложена поради коронавирусот

msp-admin

Закерберг се заканува дека ќе ги повлече Фејсбук и Инстаграм од Европа

msp-admin