Спанаќот е суперхрана која се повеќе ја препорачуваат експертите, бидејќи во последно време се повеќе се зборува за важноста на магнезиумот и начините да се внесува доволно од него преку исхраната.
„Магнезиумот игра клучна улога во многу физиолошки функции на телото, па затоа треба дури и да земаме додатоци во исхраната за да обезбедиме соодветен внес“, забележува нутриционистот Ициар Дигон.
Спанаќот е меѓу намирниците со најмногу магнезиум и може да се подготви на различни начини. Експертите го опишуваат како суперхрана препорачана за здравјето на кожата, косата и коските бидејќи освен магнезиум содржи калциум, железо, калиум и фосфор, витамини од групата Б (добри за нервниот систем) и витамини А, Ц, Е и К.
И додека пред неколку месеци постојано читавме за важноста од доволен внес на витамин Д (еден од витамините што ни недостасуваат најмногу, а учествува во повеќе од 200 функции во нашето тело), денес акцентот е ставен на магнезиумот бидејќи за неговите енергетски својства и способност да ги промовира здравјето на мускулите и имунолошкиот систем“, објаснува Дигон.
Исто така, тој е вториот најчест минерал во нашите клетки, па затоа неговата улога во организмот е клучна бидејќи е потребен за повеќе од 300 метаболички реакции, од кои двете најважни се контракција и релаксација на мускулите (вклучувајќи ги и крвните садови и срцето) и преносот на нервните импулси.
Истражувањата покажуваат дека голем дел од населението страда од недостаток на магнезиум, што резултира со вообичаени симптоми поврзани со замор, како што се тежина во мускулите или проблеми со спиењето.
Спанаќот е нискокалоричен (25 калории на 100 грама) и е богат со антиоксиданси кои ги штитат црниот дроб, дебелото црево и очите. Иако често се слуша дека можеме да го консумираме „неограничено“, неопходно е да се внимава ако страдате од камења во бубрезите поради високата содржина на оксалат (супстанција што ја произведуваат растенијата за одбрана). Но, генерално, промовира добра состојба на дигестивниот систем и придонесува за детоксикација на телото“, вели д-р Оливие Куртин-Кларинс.
Доколку имате склоност кон прејадување или високо ниво на холестерол, спанаќот може да стане важен сојузник во одржувањето на вашето здравје, а неговото вклучување во вашата редовна исхрана не е ни најмал проблем.
Имено, иако зелениот лиснат зеленчук во некои случаи може да предизвика воспаление, спанаќот генерално може да се консумира сиров (по можност млади ластари) или варен.
За разлика од повеќето други зеленчуци, готвењето не ги уништува неговите својства и не влијае на содржината на магнезиум.
„Точно е дека зеленчукот може да изгуби одредена количина на витамини за време на готвењето. Но, во случај на минерали како што се магнезиум, железо или калциум, нивната способност да се апсорбираат од телото се зголемува бидејќи нивната молекуларна структура се менува. Затоа, ако сакате да јадете спанаќ навечер, ви препорачувам да го готвите, бидејќи сировата храна бара поголем дигестивен капацитет и може да предизвика воспаление“, објаснува Дигон.
Доколку ви недостигаат идеи, нутриционистите нагласуваат дека најлесно е да го вклучите спанаќот во исхраната како додаток во салати, како прилог со месни јадења или во смути со банани, боровинки, малини, семки и растително млеко.