Овогодинешниот победник на Отвореното првенство на САД, Карлос Алкараз, излегува со американскиот модел Брукс Надер, потврди нејзината сестра – Грејс Ан Надер.
„Гласините се вистинити. Забавување е толку лабав термин, но знам дека тој е вистинскиот“, изјави таа за E! News додека присуствуваше на ревијата на Брукс на Неделата на модата во Њујорк.
Грејс Ан додаде дека сè уште не го запознала Карлос, но дека навистина се радува на тоа. Гласините дека тој и Брукс се заедно почнаа да се шират кон крајот на минатата недела. Таа присуствуваше на церемонијата за доделување на трофејот откако тој го победи Јаник Синер во финалето на Отвореното првенство на САД.
Интересно е што странските медиуми претходно објавија дека таа излегува со Синер. Џими Кимел ја праша во својата емисија дали ова е вистина.
„Дали дојдов на испрашување? Толку сум исплашена во моментов“, се пошегува таа и рече дека е „под заклетва“.
На крајот од минатата година, таа се разведе од Били Хејр, со кого беше во брак речиси пет години. Таа стана модел за Sports Illustrated Swimsuit Issue откако победи на Swim Search натпреварот во 2019 година.