На 24-ти октомври, Дистрикт бар и ресторан организира уште едно издание на вечерите посветени на гастрономската уметност на спарување храна и вино, насловена Winemaker dinner series. Гостите ќе имаат можност да уживаат во лична презентација на 5 избрани француски специјалитети, од страна на главниот шеф во Дистрикт, Кирил Ставрев, сите надополнети со внимателно селектирани премиум вина од Château de Gourdon – серијата на винарија Тиквеш.
Спојувањето на секој оброк со соодветно вино има за цел дополнување на вкусовите што ги нуди секој оброк и нивно интензивирање, кое резултира со неверојатно доживување за сетилото за вкус и како целина пружа извонредно уживање. За изборот на вината ќе се погрижат искусните енолози на Тиквеш, кои исто така ќе имаат кратка презентација на вечерата и на гостите ќе им откријат дел од своите знаења.
„Хармонијата на вистинското вино за одреден вид храна ги истакнува вкусовите и на оној којшто ги консумира му пружа огромно задоволство, многу подобро отколку засебно консумирање на овие две работи. Оваа вечер е посветена на вистинските гурмани, а комбинациите на вкусовите гарантирано ќе ги задоволи и оние со најспецифичен вкус за добра храна и квалитетно вино“, вели Кирил Ставрев, главен шеф во Дистрикт.