Убер ги нарече новите правила на компанијата „нов безбедносен стандард за услуга од врата до врата“. Тие се воведени за да го заштитат здравјето на корисниците и вработените, со оглед на зголемувањето на бројот на заразени со коронавирус.
Новиот безбедносен стандард за услуга од врата до врата, според компанијата, се состои од совети од експертите, Убер технологија и заедничка одговорност на сите – и на корисниците и на возачите.
Според новите правила, а со цел да се одржи поголема оддалеченост, на корисниците веќе не им е дозволено да седат на предното седиште.
Безбедносен контролен попис „Подготвен за возење“
На секое возење, корисникот и возачот мора да потврдат дека презеле одредени безбедносни активности – да носат маски за лице и да мијат или да ги дезинфицираат рацете пред секое возење.
Проверка на маската за лице на возачот
Пред да започнат со возењето, возачите ќе треба да потврдат дека носат маска за лице користејќи технологија за верификација на Убер.