Британската авиокомпанија „Бритиш ервејс“ ќе отпушти 350 пилоти и ќе испрати дополнителни 300 на чекање, објави компанијата.
Како што се наведува, 300 пилоти од списокот на чекање ќе бидат повторно вработени кога ќе бидат потребни нивните услуги, а аналитичарите проценуваат дека тоа ќе се случи за година и пол до две.
Сите други вработени во „Бритиш ервејс“ се соочуваат со намалување на платите од 15 проценти, но половина од намалената плата ќе им биде вратена кога колегите кои се на чекање, ќе се вратат на работа.
Повеќето од пилотите кои беа испратени на чекање летаа со џамбо-џет „Боинг 747“.