Во последниот квартал од минатата година, кинескиот БДП порасна за 6,5 проценти на годишно ниво, повеќе од очекувањата на аналитичарите за 6,1 процент.
Ова укажува на стабилно закрепнување од корона-кризата на втората по големина економија во светот.
Во текот на целата мината година, кинеската економија порасна за 2,3 проценти, и покрај наглиот пад на почетокот на годината како резултат на избувнувањето на пандемијата на коронавирус.
Зајакнувањето на кинеската економија е во контраст со тешкото закрепнување на американската и европската економија, кои сè уште се под притисок на рестриктивните мерки насочени кон борба против коронавирусот.