Деловната активност во еврозоната падна на двомесечен минимум во јануари, поради заострувањето на мерките за ограничување на короната, покажуваат првичните резултати од студијата на аналитичката компанија „IHS Markit“.
Композитниот индекс „Маркит“ на менаџери за набавки PMI за еврозоната, кој ги вклучува и производствениот и услужниот сектор, падна на 47,5 поени во јануари од декемвриското ниво од 49,1 поени, пренесува CNBC. Индикатор под 50 поени значи намалување на активноста.
Крис Вилијамсон, главен економист за деловна анализа во „IHS Markit“, вели дека падот на еврозоната со двојно дно е сè понеизбежен.
– Поостри ограничувања поради Ковид-19 им нанесоа дополнителна штета на бизнисите во јануари. Производството го забрза падот, поттикнат од влошената состојба во услужниот сектор и падот на растот на производството на најниско ниво за време на седуммесечниот период на опоравување досега, рече тој во извештајот.