Alphabet, матична компанија на Google, објави рекорден профит за втор квартал по ред, благодарение на растот на приходите од рекламирање преку Интернет за време на пандемијата COVID-19, пренесe Ројтерс.
Деловните активности на компанијата поврзани со „облачните“ технологии, исто така, забележаа посилни резултати отколку што се очекуваше во последните три месеци од 2020 година.
Заработката на Alphabet за периодот октомври-декември 2020 година се зголеми за 43% на 15,2 милијарди долари или 22,30 долари по акција. Аналитичарите предвидуваат профит од околу 16 долари по акција.
Google, кој генерира повеќе приходи од рекламирање преку Интернет од која било друга компанија во светот, успеа да оствари профит за време на заклучувањата, воведени во многу земји, што принуди многу трговци да го пренесат својот бизнис преку Интернет. Ова ја неутрализира загубата на приходите од рекламирање од други сектори, како што се туризмот, филмската и музичката индустрија.
„Производите на Google обезбедуваат витална поддршка на милиони мали и средни компании кои претрпеа тешки удари за време на пандемијата“, рече Сундар Пичаи, извршен директор на компанијата.
Според главниот финансиски директор Рут Порат, четвртиот квартал беше „добар крај на предизвикувачка година“.
Alphabet известува за раст на продажбата од 13% за цела 2020 година, што е најбавно темпо од 2009 година. Тогаш зголемувањето достигна 8,5 проценти. Сепак, компанијата успеа да го зголеми протокот на готовина за 17 милијарди долари на вкупно 137 милијарди долари. Ова главно се должи на намалувањето на трошоците преземени во текот на годината.
Со започнувањето на кампањата за вакцинација во САД и наспроти постепеното закрепнување на рекламниот бизнис, компанијата има намера да ги зголеми инвестициите во својот „облачен“ бизнис, да вработи нови луѓе и да изгради повеќе центри за податоци.
Вештачката интелигенција ќе биде вклучена во сè поголемиот опсег на производи на Alphabet.
Поделбата Google Cloud објави оперативна загуба од 1,24 милијарди долари за четвртиот квартал и 5,6 милијарди долари за целата 2020 година, што е за 21% повеќе од евидентираната во 2019 година.
Рекламниот бизнис на Google, кој ја вклучува и видео платформата YouTube, генерираше 81% од вкупните приходи на v за кварталот. Тие пораснаа на 23% на годишно ниво и достигнаа рекордни 56,9 милијарди долари.
Продажбата на облак достигна 3,83 милијарди долари за квартал и 13,1 милијарда долари за целата 2020 година, што е за 46% повеќе од претходната година.
Компанијата, исто така, соопшти дека очекува дополнителна добивка од 2,1 милијарди долари во 2021 година поради повторна проценка на животниот циклус на некои сервери и мрежна опрема.
Доцна синоќа, во пост-берзанското тргување, акциите на Alphabet пораснаа за 8% до 2.067 американски долари за акција. Пазарната капитализација на компанијата веќе надминува 1,3 трилиони долари.