Германскиот производител на спортска опрема „Адидас“ денес објави продажба на американскиот огранок „Рибок“, чија судбина се доведува во прашање со месеци.
Според „Адидас“, групацијата „одлучила да покрене формална постапка за продажба на „Рибок“, која ја купи во 2006 година за 3,1 милијарди евра.
Групата наведува дека во иднина „ќе се фокусира на зајакнување на марката „Адидас“ како лидер на светскиот спортски пазар“, се додава во соопштението, во кое не се наведени потенцијалните купувачи на „Рибок“.