СТАНДАРД life
ЕКОНОМИЈА

Нова апликација за заштита на правата на потрошувачите

Институтот за стратешки истражувања и едукација (ИСИЕ) денеска промовираше нова мобилна апликација за заштита на правата на потрошувачите – Potrosuvaci MK.

Апликацијата е достапна на македонски и албански јазик.

Покрај апликацијата, беше презентиран и Извештајот од мониторингот на седумте клучните институции за заштита на правата на потрошувачите.

Претставникот на ИСИЕ Дарко Спасевски, кој ги промовираше клучните наоди од спроведениот мониторинг, ја нагласи потребата од континуирано градење на капацитетите и обуката на човечките ресурси како и поголемо учество на граѓанскиот сектор во овие институции.

Од страна на претставничката на Секретаријатот за европски прашања Кристина Коневска-Беровска беше нагалсена важноста на заштитата на потрошувачите во претпристапните преговори со ЕУ.

Според претставничката на проектот „Нордиска поддршка за напредок на Северна Македонија“, Шерифе Исмаили-Касапи, заштитата на правата на потрошувачите во ЕУ се врпи преку заштита на нивните економски интереси и со постојано едуцирање на граѓаните. Таа смета дека со хармонизацијата на домашното законодавство со она на Европската унија, земјава ќе се доближи до ЕУ стандардите за заштита на правата на потрошувачите.

Поврзани вести

„Купувам домашно“: Помошта од 6.000 денари ќе треба да се потроши до 25 декември

Берта Китинска

Ќе се загубат од 2.000 до 20.000 работни места – туризмот две сценарија за последиците од кризата

Пандемијата со Ковид-19 предизвика берзите ширум светот да бележат пад