Германија спроведува фазно затворање на нуклеарните централи до крајот на 2022 година. Шесте нуклеарни централи што сè уште се користат треба да бидат затворени пред крајот на нивниот специфичен век.
Некои енергетски компании ја тужеа германската влада, тврдејќи дека тие треба да добијат значителна компензација за изгубени инвестиции и електрична енергија што не можат да ја произведат од постројки планирани за порано затворање.
Во заедничката изјава германските министерства за екологија и економија објавија дека шведската компанија Ватенфал ќе добие 1,4 милијарди евра. Останатите милијардa евра ќе ги поделат германските компании RWE, EnBW и E.ON / PrisenElektra.
За возврат, компаниите ќе мора да се откажат од тужбите, вклучително и тужбата што Ватенфол ја поднесе до меѓународната арбитража во Вашингтон.
Договорот конечно треба да биде одобрен од управните одбори на компаниите и органот на ЕУ за заштита на конкуренцијата, кој неодамна започна и испитување на сличен договор меѓу германските власти и операторите на термоелектраната.
Според објавените податоци на германскиот Федерален завод за статистика, ветерната енергија стана главен извор на електрична енергија во Германија во 2020 година со учество од 25,6 проценти, додека јагленот и нуклеарната енергија се „одговорни“ за 24,8 и 12,1 процент од произведената електрична енергија, соодветно.