Apple ќе инвестира милијарда евра во Минхен, каде што ќе гради европски центар за дизајн на чипови, соопшти компанијата. Центарот ќе најми стотици вработени и ќе се фокусира на развој на безжични и мобилни технологии, вклучително и 5G. Крајната цел е да се развие дизајнот на чипови на компанијата во Минхен со текот на времето.
Apple во моментов се потпира на Qualcomm за малите компоненти кои овозможуваат безжично поврзување на iPhone. Не е тајна дека американската компанија сака да ги замени со свои во наредните години.
Освен што ќе ги намали трошоците, компанијата се надева дека ќе го интегрира својот модем чип директно во својот SoC, што ќе донесе значително подобрување на ефикасноста.
Apple денес има силно присуство во најголемата економија во Европа. Стотици инженери работат за компанијата и развиваат решенија за нејзините најнови уреди.
Новиот центар, кој ќе опфаќа 30 квадратни километри, се планира да биде отворен до крајот на 2022 година.
Како што е вообичаено за Apple, тој ќе користи 100% обновлива енергија.