Huawei започна со тестирање на третата бета верзија на платформата HarmonyOS на почетокот на овој месец, а уште еден тест е во подготовка. Претстојната верзија ќе биде достапна од 31 март и ќе биде последната бета верзија.
Компанијата сега објави дека стабилна верзија на HarmonyOS ќе биде достапна во април, а флексибилниот телефон Huawei Mate X2 прв ќе го добие ова ажурирање. Телефонот првично беше објавен со Android 10. По овој модел, се очекува и другите уреди да добијат HarmonyOS.
Телефоните Huawei P50 беа планирани први да го користат HarmonyOS уште од лансирањето, но најновите информации сугерираат дека објавувањето на оваа линија уреди е одложено за мај. Ова и дава шанса на платформата HarmonyOS да биде на пазарот некое време, пред да се појави на премиум телефонската линија.