СТАНДАРД life
ТЕХНОЛОГИЈА

Поради грешките во iOS 13, Apple го менува начинот на кој го тестира софтверот

Со објавувањето на iOS 13, бевме сведоци на голем број грешки што требаше да се решат со следните неколку верзии на платформата. Потсетуваме дека во рок од два месеци од премиерата на iOS 13, Apple објави цели осум ажурирања за оперативниот систем, а во компанијата за прво официјално издание за потрошувачите се смета iOS 13.1.

За да избегне вакви проблеми во иднина, Apple изгледа ќе ги промени своите методи за тестирање на софтверот, според „Блумберг“. За таа цел, ќе се користат маркери во работниот софтвер, што ќе им овозможи на развивачите на компанијата да ги изолираат новите функционалности, што се подготвуваат за iOS 14. На овој начин, проблематичните модули ќе бидат полесно да се отстранат за време на тест.

Овој процес се користи со години од Google, Microsoft и другите технолошки компании за да се изолираат и тестираат промените во Chromium, Windows, итн. Сето ова значи дека дури и јавните бета верзии на iOS 14 треба да бидат постабилни од iOS 13. За некои од вас, тоа може да доаѓа како изненадување, но ова не е првпат Apple да се зафаќа со проблемот. Мерки за постабилни ажурирања се преземени уште од iOS 12, но се чини дека тие не ги дадоа посакуваните резултати.

Проблемите делумно се должат на фактот дека годишните ажурирања на софтверот се врзани за премиерата на новата генерација на паметни телефони, што се чини дека доведува до брзо распространување на оперативниот систем. Резултатите од новата политка ќе ги видиме следната година и таа ќе влијае на сите оперативни системи на компанијата, вклучувајќи iPadOS, watchOS, macOS и tvOS.

Поврзани вести

ВИДЕО покажува интересна промена во дизајнот на Mate X

msp-admin

Наградена првата македонска мобилна апликација за намалување на загадениот воздух

msp-admin

Сингапур е лидер кај паметните градови

msp-admin