Авто-гигантот „Stelantis “, кој сега ги спојува „Пежо“ и „Фиат-Крајслер“, следната недела ќе сопре со производство во пет фабрики во Северна Америка, пренесе Ројтерс.
Погоните се наоѓаат во Илиноис, Мичиген, Мексико и две во Онтарио. Тие градат низа производи за компанијата – од постарите камиони Рам 1500 и модели на Џип до миникомбиња и автомобили Доџ и Крајслер.
Објектите, кои претходно беа дел од „Фиат-Крајслер“, се очекува да бидат затворени од понеделник до почетокот или средината на април, наведува компанијата.
„Stelantis “ продолжува да работи тесно со добавувачите за да ги ублажи ефектите во производството предизвикани од различните проблеми со синџирот на снабдување со кои се соочува нашата индустрија“, рече компанијата во е-пошта до CNBC.
Претставник на „Stelantis“ одби да открие колку помалку автомобили ќе бидат произведени поради оваа присилна суспензија.