Многу вкусно мезе од грав кое идеално оди со парче овчо бело сирење …
Потребно е:
500 гр шарен грав
1 лажица мелен сув зачин
сол
4-5 црвени везени лути пиперки
1-2 чешниња лук
бибер
свежо нане
80 мл масло
оцет, по желба
Подготовка:
– Измиениот грав потопете го во млака вода и оставете го да стои во неа 4 часа. Потоа сварете го во истата вода во која сте додале мелен сув зачин и сол.
– Лутите пиперки посебно сварете ги во малку вода, исцедете ги, извадете им ги семките и потоа ситно исецкајте ги.
– Сварениот грав исцедете го и измешајте го со исецканите лути пиперки и добро испасирајте го.
– Потоа додадете го лукчето, бибер, исецканите ливчиња нане, масло и оцет и измешајте убаво за да се соединат сите состојки.