Најпознатата италијанска спортска новинарка Дилета Леота важи за една од најубавите жени во светот на спортот, а колумните во весниците често се полни и со нејзиниот приватен живот покрај нејзиниот бизнис. Новинарката моментално е бремена и се подготвува за доаѓањето на своето ново бебе, а со следбениците на социјалните мрежи споделува фотографии од бременоста.
Дилета сега позираше на Инстаграм во градник и покажа како изгледа во деветтиот месец од бременоста.
– 9 месеци плус 10 килограми и плус 40 степени – напишала во описот на фотографиите направени во Италија.
Нејзината објава им се допаднала на над 400.000 луѓе, а многумина во коментарите напишале дека е убава трудница.
Да потсетиме, Дилета кон крајот на март откри дека е бремена.
– Мораме да кажеме нешто… Но, дали сите веќе го знаевте тоа? Наскоро ќе бидеме тројца – напишала тогаш заедно со видео на кое таа и нејзиното момче, германскиот голман Лорис Кариус се гушкаат и плачат од среќа.