Ги красеше сите роденденски прослави, децата ја обожаваа, а најголемата предност и е што не треба да се пече и е готова за само 45 минути.
„Песок“ тортата е една од најпознатите која се прави без печење, а оваа кремаста комбинација со бисквити, кокос и јаткасти плодови беше една од омилените задоволства во поранешна Југославија и особено ја сакаа децата.
Состојки:
• 1 литар млеко
• 130 гр шеќер
• 4 пудинзи од ванила
• 200гр путер на собна температура
• 120 гр шеќер во прав
• 150 гр мелен бисквит
• 120 гр кокос
• 170 гр мелени ореви
За глазурата:
• 50 гр млечна чоколада
• 50 гр темно чоколадо
• 100 мл слатка павлака
Подготовка:
Во 250 мл млеко измешајте ги пудинзите, а остатокот од млекото сварете го со шеќерот. Кога млекото ќе зоврие додадете ја смесата за пудинг, промешајте и варете уште еднаш да зоврие. Покријте ја смесата со проѕирна фолија и оставете ја целосно да се излади.
Се матат путерот и шеќерот во прав да станат пена и се додаваат во изладената смеса за пудинг. Се добро измешајте и кремот поделете го на три дела. Во едниот крем додадете мелени бисквити, во вториот кокос, а во третиот ореви.
Во калапот распоредете ги кремовите – прво оној со бисквитите, па со кокосот и на крај кремот од ореви. Ставете во фрижидер најмалку два часа.
Направете ја глазурата така што ќе ги измешате чоколадото и кремот на средна температура додека не се растопат.
На крајот нежно прелијте преку кремот и вратете го колачот да се излади додека не се стегне глазурата.
На здравје!