НОРМАЛНО е детето одвреме-навреме да се чувствува загрижено или вознемирено, на пример кога се ближи поаѓање во градинка, училиште или некој важен тест. Но, за некои деца, анксиозноста многу влијае на нивното однесување и размислување, отежнувајќи го секојдневниот живот.
Според Националната здравствена служба (NHS), психолозите објаснуваат дека родителите треба да обрнат внимание на одредени знаци кај нивните деца бидејќи тие би можеле да укажуваат на анксиозност, која доколку не се лекува може да премине во депресија.
Овие знаци вклучуваат:
* проблеми со концентрацијата
* несоница
* послаб апетит
* постојана грижа или негативни мисли
* раздразливост
* плачливост.
Исто така, некои деца често се жалат на болки во стомакот, додаваат психолозите.
Тие тврдат дека родителите никогаш не треба да се двоумат да разговараат со психолог доколку забележат дека нивното дете се бори со анксиозност.
Сите родители на анксиозни деца ги прават овие 4 работи, велат психолозите