Британскиот принц Хари е награден со 140.600 фунти откако Високиот суд во Лондон пресуди дека тој бил жртва на „умерено“ хакирање на телефонот и други незаконски методи на собирање информации од страна на новинарите во весниците „Мирор груп“ (МГН).
Принцот Хари тврди дека бил мета на „МГН“ 15 години, почнувајќи од 1996 година, и дека повеќе од 140 приказни објавени во весниците на групата, како што се „Дејли мирор“, „Сандеј мирор“ и „Сандеј Пипл“, биле резултат на информации за незаконско собирање, иако на судењето биле разгледани само 33 вести, пренесе „Ројтерс“.
Од тој број вести, судот утврди дека незаконските дејствија придонеле за пишување на 15 написи за тоа време, и дека високите раководители на „МГН“ биле свесни за хакирањето, иако речиси никому од Одборот не ја знаеле информацијата.
„Ја поздравуваме денешната пресуда, која на бизнисот му ја дава потребната јасност за да продолжи од настаните што се случија пред години. Безрезервно се извинуваме за историските грешки, ја преземаме целосната одговорност и ќе биде исплатена соодветната компензација“, рече портпаролот на „МГН“ по пресудите.
Компанијата претходно тврдеше дека нема докази за наводите на принцот Хари.