Меган Маркл денеска објави најинтимната фотографија од своите деца, Арчи и Лилибет, на Инстаграм споделувајќи нов семеен портрет со пораката: „Среќни празници! Од нашето семејство до вашето“. На трогателната фотографија, принцот Хари го прегрнува својот син Арчи додека се гледаат со насмевка, а до нив на мостот, Меган нежно го потпира челото на својата ќерка Лилибет, чие лице е делумно скриено од нејзината коса.
Новата фотографија е дел од серијата објави во кои војвотката и војводата од Сасекс дадоа редок увид во својот семеен живот во петокот. Само неколку часа претходно, на својата веб-страница тие објавија видео насловено како „Среќни празници“.
View this post on Instagram
На видеото се прикажани Арчи и Лилибет како му помагаат на својот татко да турка количка со храна за сиромашните во Калифорнија на „Денот на благодарноста“, но нивните лица повторно се скриени од камерата. Во видеото, исто така, Меган танцува од радост додека носи послужавници со колачиња во добротворната организација „Нашата голема кујна Лос Анџелес“.
Во исто време, двојката ја објави и својата официјална празнична честитка, но за разлика од минатата година, на неа не се децата. Наместо тоа, на неа се прикажани 44-годишната Меган и 41-годишниот Хари, како насмеано се држат за раце во снегот на игрите „Инвиктус“ во Канада во февруари.
Во објавите не се споменува Божиќ, туку се користи американизираната фраза: „Ви посакуваме многу среќна празнична сезона и среќна нова година“. За разлика од нив, кралот Чарлс и принцот и принцезата од Велс ја користеа фразата „Среќен Божиќ“ во своите честитки за 2025 година, објавени еден ден претходно.
Војводата и војвотката од Сасекс се познати по тоа што ја штитат приватноста на своите деца, шестгодишниот принц Арчи и четиригодишната принцеза Лилибет, криејќи ги нивните лица на фотографиите или покажувајќи ги само одзади.