По синоќешната експлозија на љубовни песни и досега невидениот сценско-музички спектакл на Дино Мерлин, се случи врвот на „мерлиноманијата“ што владееше во Белград последните денови, пишува српски „Телеграф“.
Познатиот сараевски кантавтор ја поврза публиката во четири преполни Арени со чиста емоција и пораки за мир, а да имаше повеќе слободни термини, којзнае колку дена ќе свиреа неговите хитови во Белград.
Без реклами и постери, месеци однапред, овој уметник распродаде четири белградски Штарк арени за само еден ден, како што објавуваше нови датуми. Белградската арена, иако исполнета до крај, беше претесна за да ги собере сите љубители на неговата музика. Мерлин не ги прекрши ветувањата за публиката, напротив – им се оддолжи со невидено шоу на овие простори. Спектаклот што го приреди, татнежот на публиката, скандирањата и овациите со кои беше испратен, уште долго ќе одекнуваат на овие простори.
Во феноменално расположение, со извонредна сценска енергија, безвременски хитови и продукција во дијапазон на највисоки светски стандарди, тој воодушеви и покажа зошто ќе остане впишан со златни букви на самиот врв на музичката историја на нашите простори.
„Каква глетка! Не можев да го дочекам ова. Не сме се виделе осум години, што е многу време. Песните се само ноти ако не ги сакаш, ако не ти влезат во срцата и не пееме заедно. Поради таквите посебни моменти и прекрасната публика како оваа, мојот живот има смисла“, им се обрати Мерлин на публиката, прекината од аплаузите на фановите.
За возврат, белградската публика пееше не штедејќи ги гласовите и дланките за да покаже колку им недостига.
За тоа сведочи и фактот што и покрај четирите преполни Штарк Арени, интересот за концертите на Мерлин не стивнува, а се слушаат зборовите „Боже, дај ни уште една ноќ…“ од неговата песна „Еден ден, една ноќ“ цитирана се почесто од фановите. Дека секој човек во Штарк Арената има само една желба – ноќта да трае уште подолго! А како што е веќе познато дека Мерлин е голем професионалец и креативец кој не остава ништо на случајноста, како посебно изненадување секоја вечер ја почести публиката со премиерата на новите песни „Скоро ќе живее“ и „Не се радуваме“ и ја подготвуваше публиката од вечер до вечер и изненадувачки гости.
„Ми претставува особена чест што на сцената ми се придружија некои од моите колеги со кои имам соработувано во кариерата, како Здравко Чолиќ, Весна Змијанац, Ивана Банфиќ, Сенида и Марко Луиза, истакна тој.
Дино Мерлин ќе остане еден од ретките уметници кои според бројот на одржани концерти во белградската Штарк Арена, можат да се наведат на самиот врв на листата на изведувачи низ нејзината историја. Ноември во Белград ќе остане запаметен по концертите на сараевската мегаѕвезда која срцето и го остави на публиката во арената, а белградската публика за возврат му се поклони и му возврати со голема почит, скандирања и овации.
Неговата актуелна турнеја „Ние“ продолжува за само неколку дена. Во Цирих ќе биде на 30.11. и 2.12., а потоа два петок и сабота по ред во Загреб, 8., 9., 15. и 16 декември.
Македонија со нетрпение го очекува на 27 и 28 декември во Скопје.
📷: Željko Vidinović