Пејачот Радиша Трајковиќ Џани синоќа заврши во болница.
Како што пишува „Курир“, тој го прекина настапот во Белград, само половина час откако започна. Според информациите, тој почувствувал силна болка во стомакот, а подоцна извор за споменатите медиуми изјавил дека и шеќерот во крвта на пејачот му се покачил, а имал и други мачнини
Иако, според изворот, лекарите го советувале да остане во болница, тој излегол на своја одговорност, но утрово повторно му се слошило.
По ова сознание се огласила неговата сопруга Слаѓа која потврдила дека Џани навистина бил во болница.
„Бевме на одмор и кога се вративме му се слоши. Така е, моментално е во болница, уште ништо не знаеме. Со години има шеќер, тоа не е ништо ново, а деталите сè уште не ги знаеме“, изјави таа за „Курир“.