Тајната на изгледот е всушност тоа што не се откажувам. Само не сакам да признаам години, годините не постојат за мене. Кога се чувствувам малку полошо, тогаш одморам малку и тогаш се е ок. Мора вака, па како поинаку, изјави пејачката Тереза Кесовија (85) за „Стори“.
И покрај тоа што е во деветтата деценија, музичката дива не запира. Таа ја сними песната „Као некада“ со колегата Борис Шток (45), а неодамна објавија и видео запис.
– Таа бараше дует, а подобар интерпретатор од Тереза нема. Само нека има здравје – изјави Шток во септември.
Зад Тереза стојат тешки денови. Кон крајот на август заврши во болница. Не сака да се пишува за тоа, ниту тогаш не сакала. Рекла само дека „не е добро“, и дека лекарите добро се грижат за неа и дека наскоро ќе биде дома. Делот за кој не сакаше да зборува, бидејќи мисли дека има многу луѓе на кои им е потешко од неа, е дека тоа не беше „обична вртоглавица“, туку срцев удар.
– Вистина е, тоа беше срцев удар и, да дојдов само половина час подоцна, немаше повеќе да бидам таму. Отидов на коронографија, а тоа страшно ме болеше, неописливо е – изјавила Тереза.
Сега е добро. Пеењето ја враќа во живот.
-Тоа е мојата најголема радост. Секогаш велам: „Ако сакате што поскоро да умрам, забранете ми да пеам“ – признала таа.