Бизнисмен од Нешвил толку многу го сакал своето куче Лулу, кое е од расата бордер коли, што во својот тестамент и остави пет милиони долари.
Кучето Лулу од Нешвил во американската држава Тенеси, му припаѓало на бизнисменот Бил Дорис. Бидејќи г-дин Дорис често патувал, за Лулу се грижела неговата 88-годишна пријателка Марта Бартон.
Кон крајот на минатата година, 84-годишниот г-дин Дорис починал и кучето го презеде г-ѓа Бартон. Сепак, г-ѓа Бартон нема да мора да троши свои пари за да се грижи за кучето, бидејќи починатиот сопственик оставил пет милиони долари за своето милениче во неговиот тестамент.
„Пет милиони долари ќе бидат префрлени во фонд што ќе се основа по мојата смрт за да се грижам за моето куче Лулу“, стои во тестаментот на г. Дорис, со детални упатства за тоа како ќе се потрошат парите за да се исполнат потребите на кучето, за кое треба да продолжи се грижи г-ѓа Бартон.
„Тој многу го сакаше тоа куче“, рече г-ѓа Бартон во изјава за американските медиуми. „Искрено, не знам што да мислам за фактот дека остави толку многу пари, но тој навистина многу ја сакаше Лулу“.
Според тестаментот, Лулу нема да може да ги троши парите како што сака, затоа што е наведено дека „на г-ѓа Бартон ќе и бидат надоместени разумни месечни трошоци“. За парите наменети за грижата на Лулу ќе се погрижи супервизорот на фондот, кој ќе ги одобри и ќе и надомести г-ѓа Бартон за сите трошоци.
Г-ѓа Бартон верува дека таа и Лулу немаат шанси да ги потрошат тие пет милиони долари, но како што призна во изјава, „би сакала да проба“.
Во моментов е непознато што ќе се случи со преостанатите пари кога Лулу ќе го напушти овој свет.