СТАНДАРД life
БИЗЛАЈФ

За време на пандемијата се работи и до три часа повеќе од дома

Работата од далечина не само што носи некои придобивки за работниците, туку и за работодавците. За време на пандемијата, се покажа дека вработените, во просек, работат до три часа подолго дома, отколку кога се на работа.

Границите меѓу деловниот и приватниот живот не беа доволно јасни, а не се ни сега. Шефовите очекуваат некои работници да бидат постојано достапни, токму затоа што се дома, особено кога имаше карантин.

Од една страна, тие се на мислење дека работниците треба да работат подолго – затоа што имаат привилегија да седат дома, а од друга страна, тие знаеја дека луѓето немаат многу избор каде да одат и што да прават после работа.

Значи, работното време од 9 до 17 часот започнало да ги губи своите рамки, додека проверувањето на е-пошта на сред ручек или преку ноќ – стана вообичаена практика. „Блумберг“ се занимавал со ова малку подетално.

Тие ги зеле во предвид Соединетите држави и некои европски земји и споредиле колку активни биле работниците пред пандемијата, колку во периодот од март до април 2020 година и колку во јануари 2021 година. Ова се резултатите од истражувањето:

Работниците од Северна Америка (САД и Канада) и Велика Британија работеле најдолго, околу 2,5 часа подолго во работењето од далечина од вообичаеното.

Австријците помалку работеле пред пандемијата, а идентично минатата и оваа година. Белгијците работеа помалку во јануари 2021 година отколку пред корона-кризата, но од март до април 2020 година тие работеа многу повеќе од кога било. Данците во моментов го прават истото како и пред кризата, па се вратија на старото темпо. Тие работеа повеќе во пролетта минатата година.

Интересно е и тоа што Италијанците исто работеле пред короната и во март / април 2020 година, но затоа сега работат многу подолго. Од друга страна, Французите работеа најмногу во пролетта 2020 година. Сепак, тие сè уште не се вратија на старото ниво: во јануари 2021 година, тие работеа помалку од минатата година, но сигурно повеќе од 2019 година.

Холанѓаните исто така помалку работеа пред пандемијата, а од март и април 2020 година до сега го задржаа истиот интензитет на работа. Беше променливо кај Шпанците: беа најактивни во пролетта, сега работат помалку, но повторно подолго во споредба со периодот пред корона-кризата.

Еве како изгледа тоа во работни часови по ден:

Пред кризата, Австријците работеа околу девет часа на ден, а оттогаш тие работеа помеѓу десет и 10 и пол часа. Белгијците следеа слично темпо до јануари 2021 година, кога работеа во просек осум часа на ден.

Канаѓаните и Британците работеа околу девет часа пред кризата, а Американците осум часа на ден, но тоа се промени кога избувна пандемијата. Оттогаш, сите три нации работат „добри“ 11 часа на ден.

Пред кризата, Данците работеа 9 часа на ден, исто како и Холанѓаните. Првите сега работат со иста количина, а во март / април 2020 година работеа повеќе од 10 часа. Холанѓаните исто така работеа 10 часа оваа пролет и тоа не се смени дури во јануари 2021 година.

Французите, Шпанците и Италијанците работеа осум часа пред кризата. Потоа, во март / април 2020 година, првите и вторите работеа дури 10 часа, додека Италијанците не се сменија. А како е сега? Работници од Франција и Италија работат околу девет часа на ден, а Шпанците нешто помалку.

Поврзани вести

5 знаци дека кандидатот има голем ПОТЕНЦИЈАЛ

Влатко Зорба

7 начини на кои губиме пари секој ден, а не сме ни свесни за тоа

Влатко Зорба

Понуда за македонските туристи: Тура до „Лидл“ во Врање

Влатко Зорба