Мистериозен Русин го купил најскапиот имот во американската држава Флорида, откако за тоа задоволство издвоил неверојатни 140 милиони долари
Зделката била завршена за помалку од 24 часа, а тој платил во готово за имотот.
Интересно, пред тоа имотот бил во сопственост на Доналд Трамп и рускиот олигарх Дмитриј Риболовлев, пишува esquire.ru.
Луксузната куќа од 2.000 квадратни метри се наоѓа во градот Палм Бич на територијата што некогаш му припаѓаше на поранешниот американски претседател Доналд Трамп. Вкупната површина на целата палата е 9,1 илјади квадратни метри.
Како што е наведено на веб-страницата на агентот за недвижнини Realtor.com, домот има девет спални соби и гаража за четири автомобили и е завршен во 2020 година. Замокот има и базен и посебна куќа за гости.
Интересите на Русинот за време на зделката ги претставувал брокерот Рајан Серхант, кој во февруари ја објави книгата „Енергијата на големи пари“. Тој неодамна го продаде најскапиот стан – пентхаус за 33 милиони долари во Мајами, кој во моментов го изнајмуваат Иванка Трамп и нејзиниот сопруг Џеред Кушнер.
Во 2008 година, Дмитриј Риболовлев, руски олигарх и сопственик на фудбалскиот клуб Монако, го купи земјиштето за 95 милиони долари, но никогаш не живееше таму. Според „The Real Deal“, тој ја срушил куќата и го продал целиот имот како три одделни парцели за вкупно 108,2 милиони долари.