Пред скоро еден век, за првпат се роди идејата да се изгради метро во Белград. До денес, главниот град на Србија, дом на 1,3 милиони луѓе, е најголем во Европа без подземна железница.
Со години, Белград се бори со голем метеж, бројни автомобили на патиштата и тежок јавен превоз. А, возењето на само неколку километри во градот може да трае повеќе од 40 минути.
Досега, историјата на белградското метро може да се опише како „континуиран неуспех“, стои на веб-страницата „Emerging Europe“. Во последниве години, многу од раководителите на главниот град ветија дека ќе започнат со изградба на метро-мрежата во главниот град, но тоа никогаш не се случило.
Првата дискусија за оваа идеја се случи во 1923 година. Креирање на конкретен план за тоа како треба да се гради белградскиот метро систем одзема време, а првиот конкретен предлог се појави кон крајот на триесеттите години од минатиот век. Тој предвидува изградба на три линии.
Големиот проект остана во втор план по избувнувањето на Втората светска војна.
После тоа, напорите и средствата се насочени кон реставрација на градот, кој е сериозно погоден, како и кон создавање на т.н. „Нов Белград“. Таму започна изградбата на десетици илјади домови за работниците од сите делови на поранешна Југославија.
Години подоцна или во средината на 1970-тите, Белград беше можеби најблиску до реализација на идејата за метро. Тогаш градоначалник на градот беше Бранко Пешиќ. За време на неговотовладеење, беше формирана специјална дирекција за справување со амбициозниот проект, а српските експерти го посетија Минхен, кој во моментот ја има најмодерната метро мрежа во Европа. Ако изградбата започнеше после тоа, последната делница од метрото долго 74 километри ќе беше завршена во 2021 година.
Во раните 1980-ти, проектот за метро повторно беше напуштен. Овој пат причината е дека е „премногу скапо“.
Идејата за белградското метро беше оживеана пред неколку години. Првично се сметаше дека неговата изградба може да започне во 2016 година. Тогаш ова беше одложено за 2020 година, а сега – за крајот на оваа година.
Според најновиот план, во главниот град треба да се градат две линии. Србија веќе потпиша договор со француски „Алстом“ за обезбедување опрема, а плановите се да се заврши изградбата за 5 години.