Стандард
ЕКОНОМИЈА

Ангеловска: Приходите се пониски за 8,9%, даночните приходи за 12,9%

„Во мај вкупните приходи бележат пад од 24% споредено со мај 2019. Даночните приходи бележат пад од 28% (во април истите забележаа поголем пад, односно -31% споредено со април 2019). ДДВ забележа помал пад од април, односно 33%“, соопшти денеска министерката за финансии, Нина Ангеловска на брифинг со новинарите.

Реализацијата е во линија на проекциите со ребалансот, односно основното сценарио на Министерство за финансии. Имено реализацијата е нешто подобра (за 300 милиони денари) споредено со проекцијата за мај. Од почетокот на годината заклучно мај, во однос на претходната година, приходите се пониски за 8,9%, даночните приходи се пониски за 12,9%, придонесите се повисоки за 7,1%, посочи таа.

Ангеловска информираше и за издавањето на еврообврзницата со која, според неа, е обезбедено финансирањето за оваа година и обезбеден е простор за евенутални дополнителни шокови и потреби за најдобро справување со КОВИД-19.

– Редовното информирање на јавноста во добри времиња претставува транспарентност и отчетност. Редовното информирање во вакво време е повеќе од потребно. Јавноста мора да ги знае состојбите и да располага со релевантни, точни и навремени информации кои се основа за понатамошни чекори и одлуки, сподели министерката.

Поврзани вести

Бесими: И да се пролонгира пандемијата, годината ќе ја завршиме со раст

Влатко Зорба

Од утре бензините со намалена цена

Берта Китинска

Ковачевски: Не е точно дека нивото во акумулациите е под критичниот минимум

error: Превземањето на содржина без дозвола од авторот е дело казниво со закон!!!