Стандард
ЕКОНОМИЈА

Бесими: Четвртиот пакет на мерки ќе почне да се спроведува после усвојување на ребалансот

Според министерот за финансии, Фатмир Бесим, четвртиот пакет на мерки ќе го амортизира ударот од КОВИД-кризата. Мерките кои имаат буџетски импликации, како финансиската поддршка за исплата на плати, ќе почнат да се спроведуваат со усвојувањето на ребалансот на буџетот, со кој се обезбедуваат средства за нив.

– Мерките се наменети за овие три месеци од 2020 година и штом помине ребалансот,  средствата ќе бидат обезбедени, тогаш ќе може да се спроведе постапката. Со ефектот што го очекуваме од овие мерки, на страната на личната потрошувачка на страната на јавните инвестиции и воопшто врз економската активност дека тој пад ќе се ублажи до 4,4 отсто, ја пренесува Министерството за финансии објавата на Бесими на Фејсбук.

Министерот посочува дека скоро сите економии во светот го зголемуваат буџетскиот дефицит за да вбризгаат пари во економијата и за да ја стимулираат економската активност.

– Ако ги гледате сите буџети на сите и поразвиените земји и најразвиените земји, има зголемување на дефицитот, затоа што мора да се влијае и на страната на понудата и на страната на потрошувачката. Таква е кризата, од тип е кризата, што сите мора да ги координираат мерките и на една страна и на друга страна. Изворот на кризата е неекономски. И со административна забрана во првата фаза беше прекинат целиот процес, синџир на производство и од друга страна се намали побарувачката, од други аспекти бидејќи беше ограничено движењето. Имате наеднаш пад на економската активност и на побарувачката и на понудата. Сега треба да се врати тоа на повисоко ниво за да може економијата да работи, додава Бесими

Поврзани вести

Тунџев: Од буџетот за 2020 за транспорт и врски, 4 милијарди 819 милиони денари се наменети за капитални инвестиции

Државата ќе им помогне на сточарите да ги покријат загубите, ако не се извезе јагнето во целост

Северна Македонија има 6,8 тони резерви на злато, Србија лидер во регионот

Влатко Зорба
error: Превземањето на содржина без дозвола од авторот е дело казниво со закон!!!