Стандард
ЕКОНОМИЈА

„Фич“ го намали рејтингот за 33 земји

Агенцијата за кредитен рејтинг „Фич“ го намали кредитниот рејтинг за 33 земји во првата половина од оваа година, а таа работа, се чини, е далеку од готова, имајќи предвид дека пандемијата на коронавирусот прави поголема дупка во државните буџети, јавува CNBC.

Џејмс МекКормак, глобален шеф за суверени рејтинзи, вели дека агенцијата ги оценила негативно изгледите за кредитен рејтинг за други 40 земји или суверени субјекти, што значи дека нивниот рејтинг би можел да се намали.

„Никогаш во историјата на „Фич“ немавме 40 земји со негативни изгледи во исто време, откако спуштивме 33 суверени рејтинзи во првата половина од годинава“, изјави МекКормак за CNBC денес.

Тој додава дека тие никогаш не скратиле 33 суверени рејтинзи за една година, а сега го сторија тоа за само половина година.

Меѓу државите чијшто кредитен рејтинг е намален, меѓу другите, се и Велика Британија, Австралија и Хонг Конг.

МекКормак објасни дека многу влади ги зголемиле трошоците за да ги заштитат своите економии од сериозно влијание на пандемијата на коронавирус и дека очекува финансиската состојба да се влоши во сите 119 држави што ги проценува агенцијата.

Поврзани вести

Битиќи за еднократната помош за граѓаните: Во тек е консултација со Економскиот совет

Ангеловска: Буџетот има капацитет за какви било шокови со короноварирусот

Трет сет мерки: 21.542 компании ќе добијат пари за исплата на 14.500 денари по работник