СТАНДАРД life
ЕКОНОМИЈА

Хавзиу: Вработените да не потпишуваат нешто што не знаат и потоа да има последици по нив

Државниот инспекторат за труд апелира до вработените да не потпишуваат договори или отказни решенија ако не се сигурни што тие значат. Препорака е да се внимава што се потпишува или да се направи консултација со стручни лица.

Директорот на Трудовиот инспекторат Аљадин Хавзиу денеска на прес-конференција во Владата потврди дека до нив се стигнати претставки од работници кои се принудени на потпишат отказни решенија или им се нудат договори за работа со скратено работно време.

– За жал, има неколку такви претставки и се постапува по сите согласно законот. Апелирам вработените да внимаваат што потпишуваат. Може да се јават во Трудовата инспекција во секое време, во секоја подрачна единица. Истакнати се броевите на инспекторите и тие се јавуваат на повик и може да ги консултираат. Вработените да не потпишуваат нешто што не знаат и потоа да има последици по нив, порача Хавзиу.

До Инспекторатот, како што посочи, нема доставено пријави од граѓани дека Агенцијата за вработување не ги регистрира работниците на кои им престанал работниот однос по основ на престанок на важност на договорот за работа.

Поврзани вести

МБА: Претставниците на нашата земја најбројни во големото финале на Европскиот квиз на парите

Влатко Зорба

Исплатени над 1,6 милијарди денари субвенции за земјоделците

Берта Китинска

Шредер за „Северен тек 2“: На Германија и треба руски гас, САД се прескапи

Влатко Зорба