СТАНДАРД life
ЕКОНОМИЈА

Ќе се исплаќа К-15: Колку пари треба да ви легнат на сметка до крајот на годинава?

До крајот на декември на сметката на секој вработен работодавачот треба да уплати регрес за годишен одмор или К-15 кој и годинава им следува на вработените во приватните компании од стопанство.

Минималниот износ за оваа година е 10.884 денари.Сумата е утврдена врз основа на податоците за движењето на нето/бруто платата по вработен, а основен услов кој треба да се исполни одреден вработен да добие К-15 е најмалку 6 месеци да работи во календарската година кај ист работодавач.

Оваа година и на вработените во државната администрација ќе им се исплаќа регрес за годишен одмор (К-15). Оваа одлука беше донесена на владина седница.

Со оваа одлука се опфатени и судовите, јавни обвинителства, казнено-поправни и воспитно-поправни установи, државното правобранителство, единиците на локалната самоуправа, агенции, фондови, центри за социјални работи и други органи основани од Собранието на Република Северна Македонија.

Пред извесен период премиерот Зоран Зев изјави дека законот за приватниот сектор и колективните договори се јасни и треба да се почитуваат докрај.

„Оние правни субјекти кои нема да остварат добивка немаат обврска да исплатат К-15 и други издатоци. Таму каде ќе остварат добивка се должни да го почитуваат законот и колективниот договор. Така што голем дел од компаниите оваа година нема да покажат добивка и тоа на нас ни е јасно и затоа аконтациите на данок на добивка се одложуваат и таму согласно законот го имаат и баферот да не се исплати К-15“, изајви Заев.

Во Колективниот договор, утврдено е дека  работниците имаат право да тужат за да го добијат предвидениот износ, а според Законот ова побарување на работниците не застарува во рок од три години, односно до 31 декември 2023 година до кога Владата може да ја одлага исплатата на парите за К-15.

Законот предвидува и казна до 4.000 евра за работодавачите кои нема да дадат К-15 или пак ќе го побараат назад од вработените.

Поврзани вести

НУК бара затворање на сите угостителски објекти до крајот на зимата

Берта Китинска

Блажевски: Владата не е заинтересирана за нашите проблеми и мерките не ги задоволуваат нашите критериуми

Дизелот со иста цена, бензините поскапи за половина денар