Основачот на компанијата „Тесла“ и еден од најпознатите американски милијардери, Илон Маск најави дека ќе продаде сè што има.
Маск, кој често предизвикува бурни реакции со своите објави на „Твитер“, овој пат практично го шокираше светот, посочувајќи дека тој продава сè што има и нема ниту да поседува ниту куќа.
На едно од прашањата од коментарот – зошто, Маск кратко одговори – слобода.
Притоа, тој практично понуди на продажба две куќи во Калифорнија. Медиумите јавуваат дека за двете вили на „Бел Ер“ во Лос Анџелес, милијардерот бара 39,5 милиони долари.
Една од вилите некогаш му припаѓаше на славниот американски актер и комичар Џин Вајлдер. Маск го условува купувачот на таа вила дека не можел да ја сруши ниту „вилата смее да ја изгуби душата“.