СТАНДАРД life
ЕКОНОМИЈА

Народна банка: Граѓаните кои на 12 август платиле сметки преку Еуростандард банка, да не плаќаат исти сметки одново

По известувањето од Основниот граѓански суд Скопје дека е усвоен предлогот за отворање на стечајна постапка над „Еуростандард банка” АД Скопје и дека е определен стечаен управник, Народната банка ја известува јавноста дека штитејќи го интересот на депонентите и доверителите, активно ги презема сите активности коишто во периодот до отпочнување на стечајната постапка се нејзина законска надлежност. Заштитен е имотот на Банката, во функција на обезбедување дел од предусловите за спроведување ефикасна и брза стечајна постапка во рамки на која треба да се наплатат побарувањата на доверителите и дел од депонентите.

Ги известуваме граѓаните коишто на 12 август 2020 година извршиле готовински и безготовински трансакции преку „Еуростандард банка” АД Скопје за плаќање на сметки (струја, вода и др. давачки), вклучително и преку уплати во АД „Пошта на Македонија” дека трансакциите ќе бидат реализирани во наредните неколку дена и нема потреба граѓаните да ги плаќаат истите сметки одново.

Тимот на Народната банка е максимално посветен и за да придонесе за што побрзо завршување на сите административни процедури поврзани со исплатата на обесштетувањето на депозитите на граѓаните од страна на Фондот за осигурување на депозити.

Поврзани вести

Вработените во спортските обложувалници загрижени за нивната егзистенција: „Издржуваме фамилии, плаќаме кредити…“

Бабовски: Навремената исплата на субвенциите ја практикуваме целиот овој период

Stefanija Kuzmanovska

Работодавачи: Неработењето во недела негативно ќе влијае врз продуктивноста и конкурентноста, можни се и отпуштања

Влатко Зорба