Стандард
ЕКОНОМИЈА

По барањето на Трифун Костовски се огласи Народната банка: Немаме надлежност да го укинеме стечајот на Еуростандард

Во врска со текстот од г. Трифун Костовски, објавен во медиумите, ве известуваме, се наведува во соопштението од Народна банка:

-Народната банка ја укина дозволата за основање и работење на „Еуростандард банка“ АД Скопје на 12 август 2020 година, заради несолвентност на Банката, односно неисполнување минимални законски услови за работа на банка, при неостварување на преземената обврска од сопствениците за навремено обезбедување на неопходниот капитал за работа на Банката, од сопствени извори или од потенцијален инвеститор којшто ги исполнува законските услови и критериуми за акционер на банка.

Согласно со законската регулатива, со денот на донесувањето на Решението за укинување на дозволата за основање и работење на банка, банката престанува со работа и престануваат надлежностите на Народната банка. Како што веќе имаме истакнато, при остварување на своите законски утврдени цели и задачи, Народната банка се води исклучиво од законите, притоа штитејќи го интересот на граѓаните, се вели во соопштението од Народна банка.

Поврзани вести

На 21-ви јануари угостителските објекти ќе добијат дозвола за работа до 21:00 часот

Влатко Зорба

Ќе се бришат каматите на долговите кон јавните препријатија

Влатко Зорба

Сугарески: Ако е неопходно ќе се забрани транспортот на луѓе меѓу градови и села