Стандард
ЕКОНОМИЈА

Повеќе дигитални услуги, подобрување на ефикасноста на доставата и зголемување на работното време, ветува директорот на Пошта

„Ја враќаме Пошта кон граѓаните бидејќи токму тие ни даваат плата бидејќи избираат да ги користат нашите услуги. Затоа мора да бидеме отворени и одговорни, но и да слушаме и исполнуваме. Сакам да нагласам дека особено ги слушаме критиките. Ќе бидам искрен и ќе кажам дека, за жал, има пратки што доцнат, пратки што не се испорачуваат, граѓаните се соочуваат со нељубезен однос и непочитување на работното време од дел од вработените!“, рече генералниот директор на Пошта, Јани Макрадули во видео обраќање.

Затоа, посочи тој, во Пошта секој треба да биде подготвен за пофалби, но првенствено да преземе конкретни решенија за овие критики, почнувајќи од него како Генерален директор, членовите на Управниот одбор, па сè до пошторазнесувачот или шалтерскиот работник.

Макрадули ги наброја и новитетите кои се предвидуваат да се воведат оваа година.

„Во 2021 година сакаме да одговориме на предизвиците и барањата на граѓаните преку повеќе дигитални услуги, подобрување на ефикасноста на доставата, зголемување на работното време и начинот на кој ќе бидат отворени шалтерите во Пошта, како и преку брзо започнување со електронска трговија кое е наша голема обврска кон граѓаните, особено во време на Ковид-19“, истакна тој.

Поврзани вести

Раст од 15,5 %: Вкупната вредност на извозот во јануари 2021 година изнесува 32,5 милијарди денари

Влатко Зорба

Стапката на невработеност во САД ќе продолжи да расте

Stefanija Kuzmanovska

„Некстсенс“ ќе одржува систем за зонско паркирање за скоро 700.000 евра

Влатко Зорба