СТАНДАРД life
ЕКОНОМИЈА

Штерјова Душковска нов генерален секретар на Коморскиот инвестицски форум со седиште во Трст

На седницата на Управниот одбор на КИФ, асоцијација на шесте национални комори од регионот на Западен Балкан, одржана вчера во Подгорица, едногласно за нов генерален секретар е избрана претставничката на Стопанската комора на Северна Македонија, Татјана Штерјова Душковска

Како што информираат од Стопанскта комора на Северна Македонија, Коморскиот инвестициски форум, со седиште во Трст и канцеларија во Подгорица, е институција основана во 2015 година во рамките на Берлинскиот процес инициран од канцеларката Ангела Меркел, за време на вториот самит во Виена и претставува глас на приватниот сектор, застапувајќи 350.000 компании од подрачјето на Западен Балкан. Наведуаат дека фокусот на активностите на оваа асоцијација во следниот период ќе биде насочен кон имплементација на Акцискиот план за Заеднички регионален пазар, кој треба да придонесе за обезбедување на слободниот проток на стоки и услуги, лица и капитал во регионот, но и зајакнување на соработката на полето на дигитализацијата, индустријата и иновациите.

Клучна улога во КИФ ќе има и Бизнис-советот, кој го сочинуваат 16 водечки компании од регионот, меѓу кои и „Алкалоид“ АД Скопје и „Тиквеш“ АД Кавадарци. -Активностите преку проектите кои ги имплементира Коморскиот инвестициски форум, со поддршка на Европската комисија, Европската банка за обнова и развој, Германското друштво за меѓународна соработка (ГИЗ), Германската инвестициона банка (KFW), Австриската федерална стопанска комора и Австриската агенција за развој (АДА), нудат бројни придобивки за македонските компании, оценуваат од Стопанската комора.

Татјана Штерјова Душковска (34) е д-р на правни науки, вработена во Стопанската комора на Северна Македонија од 2011 година и во моментот ја извршува функцијата директор на Дирекцијата на здруженија и регионални комори во Комората. Во изминатите четири години најголемиот фокус на нејзиниот ангажман е во областа на регионалната економска соработка и е активно вклучена во работењето на КИФ како национален координатор. -Со изборот на претставник на Стопанската комора на Северна Македонија како генерален секретар на една од трите најзначајна регионални институции, Комората добива огромно признание за сите свои активности на регионален план, во пресрет на 100-та годишнина од своето постоење, стои во соопштението.

Поврзани вести

Еуромакс ќе ја обжали повторената одлука на Државната комисија и непочитувањето на пресудата на Управниот суд

Влатко Зорба

Ниту една економија не може целосно да закрепне сè додека немаме глобален правичен пристап до вакцини, вели премиерот

Влатко Зорба

УЈП: Годишните даночни пријави за 2020 година да се потврдат или корегираат најдоцна до 31 мај

Влатко Зорба