Од јануари до денес, според Сојузот на Синдикатите на Македонија, минималната потрошувачка кошничка поскапела за 1000 денари, додека просечната плата останала речиси иста. Минималната кошничка во октомври чинела 33.704 денари, во јануари за истите стоки и услуги домаќинствата плаќале 32.791 денар.
Во кошничката, исхраната и пијалаците учествуваат со 14.092,64 денари, домувањето со 10.812,82, хигиената со 2.388,61, а превозот со 2.469,16 денари.
За облека и обувки се потрошиле по 2.157,26 денари, за култура 1.066,79, додека за одржување на здравјето вкупно 716,91 денари.
ССМ потсетува дека согласно последната објава на Државниот завод за статистика, просечната месечна нето-плата, за август 2020 година, изнесуваше 27.535 денари.