Празнични пакети со производи е донацијата од Еуроникел Индустри за Дневниот центар и Специјалните паралелки при ОУ „Страшо Пинџур“ како и во Малиот групен дом, кој се грижи за децата во социјален ризик во Кавадарци. Поводот за оваа донација во социјално-едукативни и згрижувачки установи во Кавадарци, се претстојните велигденски празници, како традиционална пракса на компанијата. Во изминатите години, штитениците на овие установи беа редовни гости на Еуроникел Индустри, при што се организираше и Велигденски пазар. Годинава, формата е поинаква заради Ковид пандемијата, но традицијата и понатаму продолжува.
Како дел од локалната заедница Еуроникел Индустри континуирано ја дава својата поддршка во бројни аспекти од општествениот живот и го помага развојот на балансирана социјална состојба за сите. Претставниците од компанијата, во пресрет на поголемите празници, покрај посетата на домовите и центрите за згрижување лица во социјален ризик и доставата на донации, секогаш поминуваат време во дружба со штитениците во празнична атмосфера.