ТикТок е местото каде што во последниве неколку години постојано се споделуваат нови рецепти што брзо ги освојуваат сите, а ова лето, меѓу виралните рецепти е оној за сладолед од лубеница и уште две други состојки.
За да го подготвите овој сладолед ќе ви бидат потребни следните состојки:
* Половина лубеница (со средна големина);
* 60 ml кондензирано млеко;
* 2 големи лажици шлаг пена (за матење);
* Чоколадни трошки (по желба).
Подготовка:
Најпрво е потребно да ја издлабите лубеницата и внатрешноста да ја исечкате на коцкички;
Немојте да ја фрлате корката од лубеницата, затоа што ќе ви треба за подоцна.
Исчистете ги парчињата од семки и изблендирајте ги во блендер;
Додадете ги кондензираното млеко и шлаг пената и блендирајте додека не добиете изедначена смеса;
Исечете прстен со дебелина од околу 3cm од кората од лубеница и ставете го на хартија за печење и врз плех за печење;
Готовата смеса претурете ја во издлабениот прстен од лубеница и избоцкајте ја кората со стапчиња за сладолед, чепкалки за заби или стапчиња од калапи за сладолед;
Оставете го готовиот сладолед во замрзнувач најмногу пет часа или преку ноќ;
Исечете го на парчиња и уживајте.