Carne alla pizzaiola е италијанско јадење кое вклучува термичка обработка на месото со состојки и зачини за да има вкус на пица.
Не е познато кој прв го подготвил, но бил инспириран од наполитанскиот обичај да се подготвуваат поцврсти парчиња говедско месо со домати, маслиново масло, лук и бело вино доволно долго за да омекне месото.
Постојат голем број на различни рецепти за Carne alla pizzaiola, а многу од нив вклучуваат и препознатливи зачини како босилек и оригано, кои на пиците им даваат карактеристичен вкус.
Ви носиме рецепт за многу едноставна, лесна и брза верзија на шницли со вкус на пица.
Состојки:
* 800 гр исечени домати
* 180 гр зелени маслинки
* 65 мл бело вино
* 4 шницли дебели околу 2,5 сантиметри
* 3-4 чешниња лук
* 2 пиперки
* 2 главици кромид
* 2 лажици капар
* сол и бибер по желба
* растително масло за пржење
Подготовка:
Убаво зачинете ги шницлите со сол и бибер од двете страни – оставете ги шницлите да се маринираат на собна температура околу 10 минути.
Во голема тава загрејте малку растително масло и пржете ги шницлите околу две минути од секоја страна.
Отстранете ги шницлите од тавата и оставете ги на страна. Покријте ги со алуминиумска фолија.
Додадете повеќе масло во тавата и пропржете го кромидот и пиперките исечени на тенки ленти.
Посолете и динстајте околу пет минути со често мешање додека не омекнат.
Додадете го сечканиот лук и пржете го околу половина минута.
Полијте ја тавата со вино и изгребете ги сите парчиња што се залепиле на дното. Гответе сè заедно околу половина минута.
Додадете сецкани домати (свежи или конзервирани), исечени маслинки и капер.
Кога сосот ќе зоврие, намалете ја топлината и вратете ги шницлите во сосот. Гответе сè заедно околу пет минути (или додека месото не омекне) за месото термички да се обработи до крај и да се соединат вкусовите.
Служете ги шницлите топли со сос и билки по желба. Во садот додадете парче леб и/или сезонска салата.
Добар апетит!