За подготовка на шницли по рецептот кој го објави инстаграм страната „zalogaj_mr“ не ви треба многу време бидејќи се прават брзо и лесно, а останатото го прави рерната.
Изберете свински врат бидејќи тоа парче месо гарантира дека нема да добиете сув, туку сочен стек.
Состојки:
* 6 шницли од свински врат,
* зачини и малку брашно,
* една голема главица кромид,
* 3 моркови,
* 300 мл варени домати,
* 300 мл вода,
* 2 чешниња лук,
* малку масло за пржење
Подготовка:
Зачинете го месото, валкајте го во брашно и кратко пропржете го на масло од двете страни. Кромидот се сечка на крупно, се ренда морковот, па се пржи во маслото каде што се пржело месото.
Кога ќе омекнат кромидот и морковот, вратете ги шницлите во тавата, покријте ги со домати и вода, зачинете по вкус, покријте со фолија и печете во рерна загреана на 200 степени еден и пол до два часа.
Пирето од компири е идеално како додаток на ова јадење.
На здравје!