Оваа вкусна пита од тиква со карамелизиран кромид и фета е рецепт кој ни доаѓа од Босна и мора да ја пробате.
И солено. И слатко. И крцкаво.
Баш како што треба да биде. Совршенo за овие студени денови.
Состојки:
* 500 гр кора за пита
* 1 голем кромид, исечен на ленти
* 600 гр рендана тиква
* 3 јајца
* 250 гр фета сирење или кое било друго сирење по избор
* 1 лажичка сол
* ½ лажичка бибер
* 4-5 лажици масло
* 1 чаша кисела павлака
Подготовка:
Исчистете го, исечете го и пропржете го кромидот додека не се карамелизира.
Тиквата исчистете ја и изрендајте ја во посебен сад. Додадете сол, бибер, јајца и мелено сирење.
Сето убаво измешајте да се соедини.
Подгответе се да ја наредите питата.
Прво намачкајте го плехот со малку масло. Развлечете две кори, попрскајте ги со малку масло и ставете околу четири до пет лажици фил.
Повторете ја постапката: две кори, малку масло, фил… и вака распоредете додека не ги искористите сите кори и фил.
Последната кора премачкајте ја одозгора со павлака.
Питата се сече на парчиња и се пече во рерна на 200 степени околу 45 минути.
Послужете ја питата со јогурт или кисело млеко.
На здравје!