Многу „славски“ денови пред нас „паѓаат“ во посни денови.
Сепак, тоа не значи дека треба да се откажете од некои омилени рецепти од празничната трпеза, како што е мимоза салатата.
Денеска ви претставуваме „посна верзија“ од ова фантастично мезе.
Состојки:
* Салата од мимоза за посен оброк1 кг компири
* слатка пиперка (по избор)
* 1 кг моркови
* 1 тегла кисели краставички
* 1 кг посен мајонез
* сол и бибер по вкус
* димена риба (по избор)
* посен кашкавал
* по желба сусам
Подготовка:
Сварете ги компирите, задолжително со една лажица сол.
Одделно сварете го излупениот морков.
Во стаклен сад изрендајте еден ред компири, а потоа посолете и побиберете по вкус. Ако сакате, можете да додадете и сладок сув пипер.
Ако сакате мимоза салата со чадена риба, сега е време да исечете ред риба и да ја ставите над првиот ред компири.
Намачкајте еден слој посен мајонез.
Потоа изрендајте еден слој моркови и повторно посолете и побиберете.
Намачкајте уште еднаш слој мајонез.
Изрендајте ги и измешајте ги останатите компири и моркови како нов слој, па повторно посолете и побиберете.
Покријте со уште еден слој мајонез.
Следниот слој е рендани кисели краставички, околу половина килограм и малку „повеќе“.
Ставете уште еднаш слој мајонез и декорирајте со слој рендано посен кашкавал. Декорирајте по желба
Оставете ја салатата да отстои во фрижидер околу осум часа пред да ја послужите.
На здравје!
Идеја за посен оброк: Полнети печурки со растителен кашкавал и сардини