За денешниот ручек ви предлагаме да направите прекрасни лисичарки во павлака.
Вака подготвените лисичарки можете да ги послужите како независно јадење, со пециво, со варен ориз или компири, палента, тестенини… или како прилог за месо!
Состојки:
* 1 главица кромид
* 300 гр лисичарки
* 300 гр шампињони
* 200 мл крем за готвење
* 1 лажичка сув билен зачин
* сол и бибер по вкус
* неколку лажици кисела павлака
* неколку лажици масло
* копар за гарнир
Подготовка:
Исчистете го и исечкајте го кромидот на мали коцки.
Загрејте го маслото во длабока тава, па пропржете го кромидот додека не стане проѕирен.
Кога кромидот ќе биде готов, додадете ги исчистените и исечкани шампињони. Динстајте ги само три до четири минути, а потоа додадете ги исчистените и исечени лисичарки.
Зачинете со мешавина од суви билни зачини и продолжете да вриете уште неколку минути со постојано мешање.
Кога малку ќе омекнат, во тавата додајте крем за готвење, намалете ја топлината и продолжете да ги динстате печурките уште пет до шест минути.
Не мешајте, само повремено протресувајте ја тавата.
При крај, зачинете ги печурките со сол и бибер по вкус.
Кога се е готово, тргнете го садот од оган, а потоа додадете ја павлаката, измешајте сè и послужете.
Украсете со копар.
На здравје!